Para iti adu a tattao, ti panagpapada ti puli ket arapaap laeng.

•   “Ti panangidumduma iti puli ket kasla sabidong nga agtultuloy a mangdaddadael kadagiti organisasion, agduduma a grupo ti kagimongan, ken uray ti inaldaw a biag ti ordinario a tattao. Agtultuloy ti saan a patas a panangtrato dagiti tattao iti maysa ken maysa agingga nga adda panangidumduma.”—António Guterres, Secretary-General ti UN.

 Posible kadi a talaga ti panagpapada ti puli? Ania ti ibaga ti Biblia?

 Isuro kadatayo ti Biblia no ania ti panangkita ti Dios iti agduduma a puli.

•   “Inaramid [ti Dios] ti tunggal nasion dagiti tattao manipud iti maysa a tao tapno agnaedda iti intero a daga.”—Aramid 17:26.

•   “Saan a mangidumduma ti Dios, no di ket awatenna ti tao iti tunggal nasion nga agbuteng kenkuana ken agaramid iti umiso.”—Aramid 10:34, 35.

 Ipakita ti Biblia nga agkakabagian ti amin a tao ken akseptaren ti Dios dagiti tattao aniaman ti pulida.

 Addanto ti panagpapada ti puli gapu iti Pagarian ti Dios, maysa a nailangitan a gobierno. Isuro dayta a gobierno kadagiti tattao no kasano ti umiso a panangtrato iti sabsabali. Masursurodanto a labanan ti riknada a mangiduma iti puli.

•   ‘Masursuronto dagiti tattao ti kinalinteg.’—Isaias 26:9.

•   “Kappianto ti resulta ti pudno a kinalinteg, ket agnanayonto a kinatalna ken kinatalged ti ibunga ti pudno a kinalinteg.”—Isaias 32:17.

 Ita, minilionen a tattao ti nakasursuro iti Biblia no kasano nga ipakita ti respeto ken dignidad iti sabsabali.

•   Tapno maammuam ti ad-adu pay, basaem ti isyu ti magasin nga Agriingkayo! a napauluan, “Adda Kadi Solusion ti Panangidumduma?”

•   Basaem ti artikulo nga “Ilawlawag Kadagiti Annak ti Maipapan iti Panangidumduma iti Puli” tapno maammuam no kasano nga ilawlawag dagiti nagannak daytoy a topiko kadagiti annakda.