Iti intero a lubong, marigrigatan ti adu a tattao nga agbirok iti pagbiagda. Ket agtultuloy pay a rumigrigat dayta.

•   Sigun iti nabiit pay a sangalubongan a report, a “dakkel ti bimmabaan ti balor ti binulan a sueldo dagiti trabahador.” No saan a masolusionan dayta, “ad-adda a pumanglaw dagiti marigrigat” ken “adu a trabahador, agraman pamiliada, ti saan a makaala iti inaldaw a kasapulanda.”

 Kabaelan kadi dagiti gobierno a solusionan ti kumarkaro a krisis iti ekonomia?

 Ilawlawag ti Biblia nga adda gobierno a mangsolbar iti amin a problema iti ekonomia, agraman ti saan a patas a kasasaad ti panagbiag. Kunana a “mangipasdekto ti Dios ti langit iti maysa a pagarian,” maysa a gobierno a mangituray iti daga. (Daniel 2:44) Iti panagturay dayta a gobierno, awanto ti malipatan wenno mabaybay-an. (Salmo 9:18) Siguraduen ti Pagarian ti Dios a maipaay ti amin a kasapulan dagiti iturayanna tapno naragsakda. Tagiragsakento ti amin ti resulta ti nagaget a panagtrabahoda.—Isaias 65:21, 22.