Bayat ti Hulio 2022, naireport ti kapupudotan pay laeng a temperatura iti intero a lubong:

•   “Iti daytoy a bulan, naminduan nga inyalerto ti China a nakapudpudot ti dandani 70 a siudad sadiay.”—Hulio 25, 2022, CNN Wire Service.

•   “Nauram ti adu a kabakiran ti Europe gapu iti nakaro a pudot.”—Hulio 17, 2022, The Guardian.

•   “Idi Domingo, nakabarbara ti adu a siudad iti United States gapu iti summer iti East Coast ken dagiti paset ti South ken Midwest.”—Hulio 24, 2022, The New York Times.

 Ania ti kayat a sawen dagitoy? Addanto kadi tiempo a saanen a mapagbiagan ti planeta a daga? Ania ti ibaga ti Biblia?

 Wen. Dagiti heat wave iti intero a lubong ket maitunos iti impakpakauna ti Biblia a mapasamak iti panawentayo. Kas pagarigan, impadto ni Jesus a makakitatayo kadagiti “nakabutbuteng a buya.” (Lucas 21:11) Gapu iti pumudpudot a temperatura iti intero a lubong, mabuteng ti adu a baka interamente a dadaelen ti tao ti daga.

 Saan. Inaramid ti Dios ti daga kas permanente a pagtaengan ti tao. (Salmo 115:16; Eclesiastes 1:4) Imbes a baybay-anna a dadaelen dayta dagiti tattao, inkarina a ‘dadaelennanto dagidiay mangdaddadael iti daga.’—Apocalipsis 11:18.

 Kitaentayo ti dua laeng a padto a mangipakita no ania pay ti inkari ti Dios:

•   “Agragsakto ti let-ang ken ti natikag a daga, ket agrag-onto ti desierto ken agsabongto a kas iti safron.” (Isaias 35:1) Saan nga ipalubos ti Dios nga agbalin ti daga a desierto a saan a mapagyanan, no di ket tarimaanenna dagiti nadadael a pasetna.

•   “Ay-aywanam ti daga, pagbalinem a nakabungbunga ken nakatabtaba.” (Salmo 65:9) Iti pamendision ti Dios, agbalinto a paraiso ti daga.

 Tapno maammuam ti ad-adu pay no kasano a naipadto iti Biblia ti panagbaliw ti klima, basaem ti artikulo a “Ti Panagbaliw ti Klima ken ti Masakbayantayo—Ti Ibaga ti Biblia.”

 Tapno maammuam ti ad-adu pay maipapan iti kari ti Biblia a panangtarimaan iti aglawlaw, kitaem ti artikulo nga “Asino ti Makapasardeng iti Pannakaperdi ti Daga?”