Pagtuladan a Presentasion
AGRIINGKAYO!
Saludsod: Kayattayo amin ti agbalin a nasalun-at. Panagkunayo, ania ti mabalintayo nga aramiden tapno saantayo nga agsakit?
Teksto: Pr 22:3
Tukon: Ilawlawag daytoy a ruar ti Agriingkayo! dagiti mabalintayo nga aramiden a panagannad tapno saantayo nga agsakit.
ISURO TI KINAPUDNO
Saludsod: Ti Dios kadi ti makingapuanan iti panagsagabatayo wenno adda sabali?
Teksto: Job 34:10
Kinapudno: Pulos a saan a ti Dios ti makingapuanan iti panagsagabatayo. Imbes ketdi, agsagabatayo gapu iti Diablo, gapu iti di umiso nga ar-aramid dagiti tattao, ken no dadduma, gapu ta addatayo iti di umiso a lugar iti di umiso a tiempo. No agpasartayo iti rigat, tulongannatayo ti Dios. Talaga nga ipatpategnatayo.
APAY NGA ADALEM TI BIBLIA? (Video)
Saludsod: Panagkunayo, ti Dios kadi ti mangkonkontrol iti lubong? [Palubosan a sumungbat.] Baka masorpresakayo iti ibagbaga ti Biblia. Dayta ti ilawlawag daytoy ababa a video. [Ipabuya ti video.]
Tukon: Ilawlawag ti kapitulo 11 daytoy a libro no apay nga ipalpalubos ti Dios ti panagsagaba ken no ania ti aramidennanto. [Itukon ti libro nga Isursuro ti Biblia.]
MANGARAMIDKA ITI BUKODMO A PRESENTASION
Tuladen ti format kadagiti nadakamat a pagtuladan iti panangaramid iti bukodmo a presentasion.
Baka Kayatmo Met ti
AGRIINGKAYO!
Sakit—Kasano a Makissayan ti Posibilidad a Makaptanka?
Mabalin a makadangran unay iti salun-atmo dagiti baro ken dagiti nagsubli a makaakar a sakit. Ania dagiti posible a makagapu a makaptanka ken ania dagiti kasayaatan a pangdepensam?
MAIPAPAN KADAKAMI
Apay nga Adalem ti Biblia?
Mangipapaay ti Biblia iti sungbat kadagiti napapateg a saludsod ti minilion a tattao iti intero a lubong. Kayatmo met kadi a masungbatan ti saludsodmo?
