NO APAY A NAPATEG: Dagiti dinutokan ti espiritu ken ti sabsabali a karnero aw-awisenda ti amin a kita ti tattao nga “uminum . . . iti libre a danum ti biag.” (Apo 22:17) Daytoy a simboliko a danum irepresentarna ti amin a probision ni Jehova tapno maisalakan dagiti natulnog a tattao iti basol ken ipapatay. Tapno matulongan dagiti tattao a nagduduma ti kostumbre ken relihionda, masapul nga ipakaammotayo ti “agnanayon a naimbag a damag” iti pamay-an a makaay-ayo iti tunggal maysa.​—Apo 14:6.

NO KASANO NGA ARAMIDEN:

• Mangpilika iti topiko ken teksto a mangtignay iti puso dagiti tattao iti teritoriayo. Mabalin a mangpilika iti pagtuladan iti pannakisarita wenno kadagiti epektibo a nausarmo idin. Ania dagiti topiko ken teksto a nagustuanen ti adu? Adda kadi nabiit pay a damdamag a paginteresan dagiti tattao? Ania a topiko ti magustuan ti maysa a lalaki wenno babai?

• Iramanmo iti pannakisaritam dagiti kablaaw ken kostumbre a gagangay iti lugaryo.​—2Co 6:3, 4

• Kabesaduem dagiti publikasion ken video iti Toolbox iti Panangisuro tapno mairanudmo dagita iti interesado

• I-download-mo ti impormasion dagiti lengguahe dagiti tattao a mabalin a makasaritam iti teritoriayo

• Ibagaymo ti topiko kadagiti kasapulan ti bumalay. (1Co 9:19-23) Kas pagarigan, ania ti ibagam no naammuam a nabiit pay a natayan ti bumalay?

BUYAEN TI VIDEO SA SUNGBATAN DAGITOY:

• Ania a topiko ti inusar ti agibumbunannag tapno mairugina a kasarita ti bumalay?

• Ania ti mapaspasamak iti biag ti bumalay?

• Ania kadagiti teksto a pagpilian ti kasayaatan a mausar iti daytoy a situasion, ken apay?

• Kasanom nga ibagay ti presentasionmo tapno magustuan dayta dagiti tattao iti teritoriayo?