Ti pannakaibangon ti templo iti Israel ket nagkasapulan iti adu a trabaho ken pondo. Ngem sireregta a sinuportaran dagiti Israelita dayta a proyekto. (1Cr 29:2-9; 2Cr 6:7, 8) Idi naibangonen ti templo, ti panangmantener dagiti Israelita iti dayta iyanninawna ti espiritualidadda. (2Ar 22:3-6; 2Cr 28:24; 29:3) Ita, adu a tiempo ken panagbannog ti ipapaay dagiti Kristiano iti panagibangon, panagdalus, ken panangmantener kadagiti Kingdom Hall ken Assembly Hall. Ngem nagdakkel a pribilehio ken paset ti sagrado a panagserbitayo ti pannakipagtrabaho ken Jehova iti kastoy a pamay-an.—Sal 127:1; Apo 7:15.

• Panagdalus kalpasan ti gimong. No saanyo a kabaelan, pidutenyo dagiti wara nga adda iti lawlaw ti tugawyo.

• Regular a pannakiraman iti panagdalus ken panangmantener iti Kingdom Hall. No adu ti makiraman, naragragsak ken nalaglag-an ti trabaho.—lv 92-93 ¶18.

• Panangted iti pinansial a suporta. Maragsakan ni Jehova uray iti kontribusion a ‘dua a sinsilio a bassit ti pategna’ a nagtaud iti puso.—Mr 12:41-44.

• Panagboluntario a tumulong iti panagibangon ken panag-renovate kadagiti nateokratikuan a pasilidad no ipalubos ti kasasaadyo. Mabalin ti makiraman uray dagiti awan kapadasanna iti konstruksion.