Napateg nga ipakita ti panagtalektayo ken Jehova iti rigat ken nam-ay. (Sal 25:1, 2) Idi maikawalo a siglo B.C.E., naipasango dagiti Judio idiay Juda iti narigat a kasasaad a nangsubok iti panagtalekda iti Dios. Adu ti masursurotayo iti napasamak. (Ro 15:4) Kalpasan a nabuyayo ti video nga “O Jehova, . . . Kenka Inkabilko ti Panagtalekko,” ania ti sungbatyo kadagiti sumaganad a saludsod?

1. Ania a narigat a kasasaad ti nakaipasanguan ni Ezekias?

2. Kasano nga inyaplikar ni Ezekias ti prinsipio ti Proverbio 22:3 idi sagsaganaanda ti posible a pannakalakub?

3. Apay a saan man la a pinanunot ni Ezekias ti sumuko iti Asiria wenno makialiansa iti Egipto?

4. Apay a nasayaat nga ulidan ni Ezekias para kadagiti Kristiano?

5. Ania dagiti situasion a mangsubok iti panagtalektayo ken Jehova?