Serioso para ken Jehova ti panagkinnari ti agassawa. Imbagana a masapul a saanda nga agsina. (Mt 19:5, 6) Adu dagiti naragsak a panagasawa iti ili ti Dios. Ngem awan ti perpekto a panagasawa. Adda latta dagiti problema. Saantay koma a tuladen ti kaaduan nga ibilangda a solusion ti panagsina ken diborsio no agproblema ti agassawa. Kasano a maprotektaran dagiti Kristiano ti panagasawada?

Makatulong no aramidenyo dagitoy a lima.

1. Protektaranyo ti pusoyo babaen ti saanyo a panangaramid kadagiti banag a kas iti panag-flirt ken immoral a paglinglingayan, a mangpakapuy iti relasionyo nga agassawa.—Mt 5:28; 2Pe 2:14.

2. Pabilgenyo ti relasionyo iti Dios, ken ad-adda pay a paragsakenyo isuna babaen ti panangpabilegyo iti panagasawayo.—Sal 97:10.

3. Itultuloyyo nga isuot ti baro a personalidad, ken mangipakitakayo iti kinaimbag uray kadagiti babassit a banag tapno maparagsakyo ti asawayo.—Col 3:8-10, 12-14.

4. Kanayon nga agtungtongkayo a nasayaat ken narespeto.—Col 4:6.

5. Itedyo ti karbengan ti asawayo nga addaan kinadungngo ken ayat.—1Co 7:3, 4; 10:24.

No ibilang dagiti Kristiano a serioso ti panagasawa, resrespetuenda ni Jehova a nangdisenio iti panagasawa.

BUYAEN TI VIDEO A MASAPUL NGA ‘AGTARAYTAYO BUYOGEN TI PANAGIBTUR’—SUROTEN DAGITI PAGLINTEGAN TI LUMBA, SA SUNGBATAN DAGITOY:

• Uray nasayaat ti rugi ti panagasawayo, ania dagiti mabalin a pakaipasanguanyo a problema?

• Kasano a makatulong dagiti prinsipio iti Biblia no ti panagrikna dagiti agassawa ket saandan nga agin-innayat?

• Ania dagiti bilin nga inted ni Jehova iti panagasawa?

• Ania ti masapul nga aramiden ti agassawa tapno naballigi ti panagasawada?