No maysaka a Kristiano nga agtutubo wenno mayad-adalan iti Biblia, pampanunotem kadi ti agpabautisar? Apay a kayatmo ti agpabautisar? Ti panagdedikar ken panagpabautisar ket pangrugian ti espesial a pannakigayyem ken Jehova. (Sal 91:1) Agresulta met dayta iti pannakaisalakan. (1Pe 3:21) Ania dagiti aramidem tapno madanonmo dagita?

Masapul a kombinsidoka a daytoy ti kinapudno. No adda saludsodmo, ag-research-ka. (Ro 12:2) Kitaem dagiti masapul a balbaliwam ken aramidem dagita gapu ta kayatmo a maparagsak ni Jehova. (Pr 27:11; Efe 4:23, 24) Kanayon nga ikararagmo a tulongannaka. Masiguradom a papigsaen ken tulongannaka ni Jehova babaen ti nakabilbileg a nasantuan nga espirituna. (1Pe 5:10, 11) Saan a sayang dagiti sakripisio nga aramidem. Ti panagserbi ken Jehova ti kasayaatan a pangusaran iti biag!—Sal 16:11.

BUYAEN TI VIDEO A TI DALAN NGA AGTURONG ITI BAUTISMO, SA SUNGBATAN DAGITOY:

• Ania dagiti lapped a napagballigian ti dadduma tapno makapagbautisarda?

• Kasano a maaddaanka iti pammati a kasapulam tapno maidedikarmo ti biagmo ken Jehova?

• Ania ti nangtignay iti dadduma a mangaramid kadagiti kasapulan nga addang para iti bautismo?

• Ania dagiti bendision dagidiay pinilida ti agserbi ken Jehova?

• Ania ti kaipapanan ti panagdedikar ken panagbautisar?