Tapno agbalinda a gayyem ni Jehova, masapul nga agpili iti nasayaat a kakadua dagiti mayad-adalan iti Biblia. (Sal 15:1, 4) Matulongan ida dagiti nasayaat a kakadua a mangaramid iti umiso.—Pr 13:20; lff leksion 48.

Bayat a tultulongam dagiti iyad-adalam nga umadayo kadagiti saan a nasayaat ti impluensiana a kakadua, agbalinka a naasi. Mabalin a marigatanda nga umadayo kadagiti gagayyemda iti lubong. Isu nga ipakitam kadakuada ti personal nga interes uray saan a tiempo ti panagadalyo. Mabalinmo a teksan, tawagan, wenno bisitaen. No rumangrang-ayen ti iyad-adalam, ikaduam ida kadagiti kakabsat. Makitadanto nga adayo nga ad-adu ti bendisionda ngem iti napukawda. (Mr 10:29, 30) Maragsakankanto met a makakita a dumakdakkel ti pamilia ni Jehova.

BUYAEN TI VIDEO A TULONGAM DAGITI IYAD-ADALAM ITI BIBLIA A MANGLIKLIK ITI DAKES A KAKADUA SA SUNGBATAN DAGITOY:

• Asino dagiti dakes a kakadua?—1Co 15:33

• Ania ti maim-imadyin ni Jade kadagiti gathering dagiti kakabsat?

• Kasano a tinulongan ni Neeta ni Jade a maaddaan kadagiti nasayaat a kakadua?