PANAGBIAG KAS KRISTIANO
Agsagana Itan Para iti Medikal nga Emerhensia
Apay? Ngamin, mabalin a bigla ken saan a mapakpakadaan dagiti medikal nga emerhensia ken pannakayospital. Isu a sakbay nga adda mapasamak nga emerhensia, agsaganakan tapno maawatmonto ti kasayaatan a medikal a tulong. No aramidem dayta, maipakitam a resrespetuem ti biag ken ti bilin ni Jehova maipapan iti dara.—Ara 15:28, 29.
Ania ti aramidem tapno makapagsaganaka?
-
Agkararagka ken panunotem a naimbag no ania ti ikabilmo iti durable power of attorney (DPA) card. a Mabalin a dumawat dagiti bautisado nga agibumbunannag iti literature servant iti DPA card para kadakuada ken iti Identity Card (ic) para kadagiti menor de edad nga annakda
-
No masikogka, mabalinmo ti dumawat kadagiti panglakayen iti kopia ti Information for Expectant Mothers (S-401). Makatulong daytoy a dokumento tapno makaaramidka iti nasayaat a desision no adda tumaud a medikal a problema bayat ti panagsikog ken panaganakmo
-
No kasapulam ti panangagas a mabalin nga agusar iti dara wenno mai-confine-ka iti ospital, nasaksakbay nga ibagam kadagiti panglakayenyo ken pakaammuam ti ospital a kayatmo a bisitaennaka ti maysa a ministro dagiti Saksi ni Jehova
Kasano a makatulong dagiti panglakayen? Matulongandaka a mangsungbat iti DPA card-mo. Ngem saan a dagiti panglakayen ti agdesision iti panangagas a kayatmo. Saanda met nga ibaga ti personal nga opinionda kadagiti banag a personal a desisionam. (Ro 14:12; Ga 6:5) No pakaammuam dagiti panglakayenyo a baka adda tumaud a problema maipapan iti panagusar iti dara bayat ti panagpaagasmo, dagus a kontakenda ti Hospital Liaison Committee (HLC) para kenka.
Kasano a makatulong ti HLC? Nasanay dagiti brother nga agserserbi iti HLC a tumulong kadagiti doktor ken abogado tapno matarusanda ti takdertayo maipapan iti dara. Mailawlawagda kadagiti doktormo dagiti pamay-an ti panangagas tapno maliklikan ti panangyalison iti dara. No kasapulan, matulongandaka nga agbirok kadagiti doktor a mangrespeto iti desisionmo.
BUYAEN TI VIDEO A PANAGDESISION MAIPAPAN ITI PANANGAGAS A MAUSAR TI DARA, SA SUNGBATAN DAYTOY:
-
Ania ti nasursurom iti video a makatulong kenka nga agsagana para iti medikal nga emerhensia a mausar ti dara?
a Makatulong ti Leksion 39 ti libro nga Agbiagka a Naragsak iti Agnanayon! tapno makaaramidka iti nasayaat a desision maipapan iti panangagas a mausar ti dara.
