Kayattayo a paragsaken ni Jehova iti amin nga ar-aramidentayo. (Pr 27:11) Kasano? Masapul a dagiti aramidentayo a desision ipakitada ti panagpampanunotna uray no awan ti espesipiko a linteg wenno bilin a surotentayo. Ania ti makatulong kadatayo a mangaramid iti dayta?

Manteneren ti regular a panagadal ti Biblia. Kada basaentayo ti Biblia, kasla mangiwaywayatayo iti tiempo a makikadua ken Jehova. Masursurotayo ti panagpampanunot ni Jehova no maammuantayo ti pannakilangenna iti ilina ken no adalentayo ti biag dagidiay nagaramid iti naimbag wenno dakes iti imatangna. No masapul nga agdesisiontayo, ipalagip kadatayo ti nasantuan nga espiritu dagiti napapateg a leksion ken prinsipio a nasursurotayo iti Sao ti Dios.​—Jn 14:26.

Ag-research. No agdesisionka, isaludsodmo iti bagim, ‘Ania dagiti bersikulo wenno salaysay iti Biblia a makatulong tapno maawatak ti rikrikna ni Jehova iti daytoy a banag?’ Ikararagmo ti tulong ni Jehova, ken usarem dagiti research tool ti organisasion nga available iti lengguahem tapno mabirokam ken mayaplikarmo dagiti prinsipio ti Biblia a maibagay iti situasionmo.​—Sal 25:4.

BUYAEN TI VIDEO A “MASAPUL NGA AGTARAYTAYO BUYOGEN TI PANAGIBTUR”​—MANGAN ITI NASUSTANSIA A TARAON, SA SUNGBATAN DAGITOY:

• Ania dagiti problema a nakaipasanguan ti agtutubo a sister iti video?

  Ti sungbatmotextarea-1

• Kasano a mausarmo dagiti research tool tapno mapagballigiam dagiti kasta a problema?

  Ti sungbatmotextarea-2

• Apay nga iwayaantayo ti ag-research ken ag-personal study sakbay nga agdesisiontayo?​—Heb 5:13, 14

  Ti sungbatmotextarea-3