Enero 15-21
JOB 36-37
Kanta 147 ken Kararag | Panglukat a Sasao (1 min.)
1. No Apay a Makapagtalekka iti Biag nga Agnanayon nga Inkari ti Dios
(10 min.)
Agnanayon a sibibiag ni Jehova (Job 36:26; w15 10/1 13 ¶1-2)
Addaan ni Jehova iti sirib ken pannakabalin a mangsustiner iti biag (Job 36:27, 28; w20.05 22 ¶6)
Isursuronatayo ni Jehova no kasano a magun-odantayo ti biag nga agnanayon (Job 36:4, 22; Jn 17:3)
No nabileg ti pammatitayo iti kari ti Dios a biag nga agnanayon, kayatayo nga ibturan dagiti pakarigatan.—Heb 6:19; w22.10 28 ¶16.
2. Panagkali iti Naespirituan a Gameng
(10 min.)
-
Job 37:20—Kasano ti masansan a pannakaitulod dagiti damag ken impormasion idi tiempo ti Biblia? (it-2 21)
-
Iti panagbasa iti Biblia ita a lawas, ania dagiti naespirituan a gameng a kayatyo nga iranud?
3. Panagbasa iti Biblia
(4 min.) Job 36:1-21 (th adalen 2)
4. Panangirugi iti Saritaan
(3 min.) PANANGASABA ITI PUBLIKO. (lmd leksion 3 punto 3)
5. Panagsarungkar
(4 min.) PANAGBALAYBALAY. (lmd leksion 2 punto 5)
6. Panangilawlawag iti Patpatien
(5 min.) Palawag. ijwfq 57 ¶5-15—Tema: Apay a Naidadanes Dagiti Saksi ni Jehova Idi Tiempo ti Holocaust? (th adalen 18)
Kanta 49
7. Saganaam Dagiti Situasion nga Agkasapulan iti Panagpaagas Wenno Panagpaopera
(15 min.) Pagsasaritaan. Idauluan ti panglakayen.
Nangipaay ti organisasion ni Jehova kadagiti tool a makatulong tapno makapagtulnogtayo iti linteg ti Dios maipapan iti dara. (Ara 15:28, 29) Us-usarem met laeng kadi a naimbag dagita?
Durable Power of Attorney (DPA) Card ken Identity Card (ic): Ipakita dagitoy a card ti desision ti pasiente maipapan iti medikal a pannakausar ti dara. Makaala dagiti bautisado nga agibumbunannag iti DPA card-da kasta met iti Identity Card para kadagiti menor de edad nga annakda iti literature servant. Kanayon koma a tugottugottayo dagitoy a card. No kasapulam ti mang-fill out wenno mang-update iti aniaman kadagita, dimo koma itantantan.
Impormasion Para Kadagiti Masikog nga Ina (S-401) ken Information for Patients Requiring Surgery or Chemotherapy (S-407): Makatulong dagitoy a dokumento tapno mas nakasaganatayo iti medikal a pannakaaywantayo, a pakairamanan ti bambanag mainaig iti dara. Dumawatka kadagiti panglakayenyo iti kopia ti kasapulam a dokumento no masikogka, maoperaka, wenno agpaagaska iti cancer.
Hospital Liaison Committee (HLC): Dagiti miembro ti HLC ket kualipikado a panglakayen a nakasagana a mangipaay iti impormasion maipapan iti dara kadagiti doktor ken agibumbunannag. Mabalinda ti makisarita iti doktormo maipapan kadagiti alternatibo a pamay-an ti panangagas tapno maliklikan ti pannakayalison ti dara. No kasapulan, matulongandaka nga agbirok iti doktor a mangrespeto iti desisionmo. Mabalinmo ida a kontaken aniaman nga aldaw ken aniaman nga oras. Kontakem a dagus ti HLC iti aniaman a situasion a kasapulam ti maospital, maopera, wenno ma-therapy—kas iti panagpaagas iti cancer—uray no kasla saan a kasapulan ti panagpayalison iti dara. Agaplikar met daytoy kadagiti masikog nga ina. No kasapulam ti tulong, alaem iti maysa a panglakayen ti pangkontakan iti HLC.
I-play ti VIDEO a Hospital Liaison Committee—Kasano a Tumultulong? Kalpasanna, isaludsod daytoy:
Kasano a matulongannaka ti HLC no maipasangoka iti situasion nga agkasapulan iti panagpaagas wenno panagpaopera?
8. Panagadal ti Kongregasion iti Biblia
(30 min.) bt kap. 4 ¶9-12, kahon iti p. 34
