Enero 8-14
JOB 34-35
Kanta 30 ken Kararag | Panglukat a Sasao (1 min.)
1. No Kasla Saan a Patas ti Biag
(10 min.)
Laglagipem a saan a ni Jehova ti makingapuanan iti di kinahustisia (Job 34:10; wp19.1 8 ¶2)
Mabalin a kasla saan a madusdusa dagiti agar-aramid iti dakes; ngem saanda a mailemmengan ni Jehova (Job 34:21-26; w17.04 10 ¶5)
Ti kasayaatan a maaramidantayo para kadagiti biktima ti di kinahustisia ket isuro ida maipapan ken Jehova (Job 35:9, 10; Mt 28:19, 20; w21.05 7 ¶19-20)
2. Panagkali iti Naespirituan a Gameng
(10 min.)
Job 35:7—Ania ti kayat a sawen ni Elihu idi insaludsodna ken Job: “Ania ti maawat [ti Dios] kenka?” (w17.04 29 ¶3)
Iti panagbasa iti Biblia ita a lawas, ania dagiti naespirituan a gameng a kayatyo nga iranud?
3. Panagbasa iti Biblia
(4 min.) Job 35:1-16 (th adalen 10)
4. Panangirugi iti Saritaan
(3 min.) PANAGBALAYBALAY. Iyawis ti panagadal iti Biblia. (lmd leksion 10 punto 3)
5. Panangirugi iti Saritaan
(4 min.) DI PORMAL A PANANGASABA. Ipakita iti maysa a nagannak nga ubing pay dagiti annakna no kasano ti agbirok iti impormasion a makatulong kadagiti nagannak iti jw.org. (lmd leksion 1 punto 4)
6. Panagaramid iti Adalan
(5 min.) lff leksion 13 punto 5 (lmd leksion 11 punto 3)
Kanta 58
7. Matignayka Kadi a ‘Mangikasaba iti Sao’ iti Di Pormal?
(15 min.) Pagsasaritaan.
Imparegta ni Pablo ken Timoteo: “Ikasabam ti sao; sigaganat koma nga aramidem dayta.” (2Ti 4:2) Ti Griego a sao a naipatarus a “sigaganat koma nga aramidem dayta” ket mausar no dadduma kas termino iti militar a tumukoy iti maysa a soldado wenno guardia nga adda iti puestona a kanayon a nakasagana nga agtignay. Deskribiren dagita a sasao ti tarigagaytayo nga agbalin a kanayon nga alerto kadagiti oportunidad a mangasaba uray iti gagangay laeng a pannakisarita.
Ti ayattayo ken Jehova ken ti panagyamantayo iti amin nga ar-aramidenna para kadatayo ti mangtignay kadatayo a mangibaga iti dadduma ti maipapan kadagiti nagsasayaat a kualidadna.
Basaen ti Salmo 71:8. Kalpasanna, isaludsod daytoy:
Ania dagiti nagsayaat a banag maipapan ken Jehova a kayatmo nga ibaga iti sabsabali?
Ti ayattayo kadagiti tattao tignayennatayo met a mangasaba iti di pormal.
I-play ti VIDEO a No Kasano a Nasarakan ti Ginasut a Tattao ti Kinapudno iti Biblia. Kalpasanna, isaludsod dagitoy:
Kasano a nakatulong ti di pormal a panangasaba tapno mabirokan ti ginasut a tattao ti kinapudno iti Biblia?
Kasano a nagunggonaan dagitoy a dati a miembro ti simbaan idi naammuanda ti kinapudno?
Kasano a ti ayat kadagiti tattao tignayennatayo a mangasaba iti di pormal?
Apay nga epektibo ti di pormal a panangasaba tapno matulongan dagiti tattao a mangam-ammo ken Jehova?
8. Panagadal ti Kongregasion iti Biblia
(30 min.) bt kap. 4 kahon iti p. 33
