10:25-37

Inusar ni Jesus daytoy nga ilustrasion kas sungbat iti saludsod nga: “Asino a pudpudno ti padak a tao?” (Lu 10:25-29) Ammona a ti kongregasion Kristiano ket buklento ti “amin a kita” ti tattao​—karaman dagiti Samaritano ken Gentil. (Jn 12:32) Isuro daytoy nga ilustrasion kadagiti pasurotna a rumbeng nga agsakripisioda tapno maipakitada ti ayat iti sabsabali, uray kadagidiay naiduma unay kadakuada.

ISALUDSODMO ITI BAGIM:

• ‘Ania ti panangmatmatko kadagiti kakabsat a sabali ti kulturana?’

• ‘Dagiti laeng kadi kapadpadak iti paginteresan ti kanayon a kadkaduak?’

• ‘Sidadaanak kadi a makisinninged kadagiti padak a Kristiano a sabali ti kasasaadna?’ (2Co 6:13)

Siasino ti awisek . . .

•  a makikadua kaniak iti ministerio?

•  nga umay mangan idiay balaymi?

•  nga umay iti sumaruno a Panagdaydayaw ti Pamiliami?