9:62

Tapno nalinteg ti panagarado ti mannalon, masapul a saan nga agkarataliaw iti likudanna. Kasta met, saan koma nga ipalubos ti maysa a Kristiano a masinga kadagiti bambanag iti lubong a tinallikudannan.​—Fil 3:13.

No adda pakarigatantayo, naglakatayo a kailiw ti kasla ‘nasaysayaat a biag iti napalabas,’ nalabit dagiti aldaw sakbay a naammuantayo ti kinapudno. No kasta ti aramidentayo, mabalin a dagiti laeng naragsak a gundaway ti malagiptayo ket kasla awan problematayo idi. Kasta ti inaramid dagiti Israelita idi nakapanawdan idiay Egipto. (Nu 11:5, 6) No sangkapanunottayo dagita, masulisogtayo a mangsubli iti dati a kabibiagtayo. Nasaysayaat ngarud a panunotentayo dagiti bendision iti agdama ken ti naragsak a masanguanan iti sidong ti Pagarian!​—2Co 4:16-18.