Naisagana a naimbag dagiti pagtuladan iti pannakisarita, ken napaneknekan ti adu a kakabsat nga epektibo dagita iti teritoriada. Ngem gapu ta agduduma ti kasasaad iti intero a lubong, mabalin nga agusar dagiti kakabsat iti ministerio iti sabali a pamay-an wenno ilawlawagda ti sabali a topiko a makapainteres kadagiti tattao iti lugarda. Siempre, masapul a suroten ti amin dagiti instruksion para iti espesial a kampania. Kayattayo a tungpalen ti imbilin ni Jesus nga ikasabatayo ti naimbag a damag maipapan iti Pagarian.​—Mt 24:14.

No adda pasetyo kas estudiante, masapul nga ilawlawagyo ti topiko iti pagtuladan iti pannakisarita iti Workbook iti Gimong a Panagbiag ken Ministerio. Ngem mabalinyo ti agusar iti sabali a saludsod, teksto, sumaruno a pagsaritaan, wenno setting nga epektibo iti teritoriayo, malaksid no adda naibaga nga espesipiko a pamay-an. Balbaliwan daytoy ti instruksion a mabasa iti panid 8 iti Hunio 2020 a workbook iti gimong.