Kayat ni Jehova a naragsak dagiti pamilia. (Sal 127:3-5; Ec 9:9; 11:9) Ngem no dadduma, gapu kadagiti problema iti lubong ken kadagiti pagkamkamalian dagiti kapamiliatayo, mapukaw ti rag-otayo. Ania ti mabalin nga aramiden ti tunggal maysa tapno agbalin a naragsak ti pamiliada?

Padayawan ti asawa a lalaki ni baketna. (1Pe 3:7) Mangiwaya iti tiempo tapno makaduana. Nakonsiderasion iti namnamaenna ken baketna ken ipakitana nga agyamyaman iti ar-aramidenna para kenkuana ken iti pamiliada. (Col 3:15) Iyebkasna ti ayat ken apresasionna kenkuana.—Pr 31:28, 31.

Suportaran ti asawa a babai ni lakayna. (Pr 31:12) Agpasakup ken makitinnulong kenkuana. (Col 3:18) Nasingpet ti pannakisaritana ken lakayna ken nasayaat ti ibagbagana maipapan kenkuana.—Pr 31:26.

Iwayaan dagiti nagannak a makadua dagiti annakda. (De 6:6, 7) Ibagada kadagiti annakda nga ay-ayatenda ida. (Mt 3:17) Ipakitada ti ayat ken pannakaawat no disiplinaenda dagiti annakda.—Efe 6:4.

Padayawan ken agtulnog dagiti annak kadagiti nagannakda. (Pr 23:22) Ibagada kadakuada ti pampanunoten ken rikriknada. Awatenda ti disiplina ken ipakitada ti respeto kadagiti nagannakda.—Pr 19:20.

BUYAEN TI VIDEO A PAGBALINENYO A NARAGSAK TI PAMILIAYO, SA SUNGBATAN DAYTOY:

Ania ti inaramid ti tunggal maysa tapno naragsak ti pamiliada?