Bayat ti Septiembre, ikagumaantayo nga ipakaammo kadagiti tattao a ti Pagarian ti Dios ti kakaisuna a solusion kadagiti problematayo. (Mt 24:14) Kasanotayo nga aramiden dayta? Mangibasatayo iti teksto maipapan iti Pagarian ti Dios iti adu a tattao agingga a posible bayat dayta a bulan. No adda mangipakita iti interes, ikkam iti publiko nga edision ti Pagwanawanan No. 2 2020. Dagus a sarungkaram, sa padasem nga irugi ti panagadal iti Biblia babaen ti broshur nga Agbiagka a Naragsak iti Agnanayon! Mabalin a pilien dagiti agserbi kas auxiliary pioneer bayat ti bulan ti Septiembre nga abuten ti 15 wenno 30 nga oras.

Asidegen a dadaelen ti Pagarian ti Dios ti amin a gobierno a kumonkontra iti dayta. (Da 2:44; 1Co 15:24, 25) Ikagumaantayo koma a gundawayan daytoy nga espesial nga oportunidad nga ipakita ti suportatayo ken Jehova ken iti Pagarianna!