Hulio 29–Agosto 4
SALMO 69
Kanta 13 ken Kararag | Panglukat a Sasao (1 min.)
1. No Kasano a Natungpal ken Jesus Dagiti Naipakpakauna iti Salmo 69
(10 min.)
Nagurgura ni Jesus nga awan gapgapuna (Sal 69:4; Jn 15:24, 25; w11 8/15 11 ¶17)
Nakaregregta ni Jesus para iti balay ni Jehova (Sal 69:9; Jn 2:13-17; w10 12/15 8 ¶7-8)
Naladingitan unay ni Jesus, ken naikkan iti arak a nalaokan iti apro (Sal 69:20, 21; Mt 27:34; Lu 22:44; Jn 19:34; g95 10/22 31 ¶4; it-2 201)
PANUNOTEM: Apay nga inraman ni Jehova iti Hebreo a Kasuratan dagiti padto maipapan iti Mesias?
2. Panagkali iti Naespirituan a Gameng
(10 min.)
-
Sal 69:30, 31—Kasano a makatulong dagitoy a bersikulo tapno mapasayaattayo dagiti kararagtayo? (w99 1/15 18 ¶11)
-
Iti panagbasa iti Biblia ita a lawas, ania dagiti naespirituan a gameng a kayatyo nga iranud?
3. Panagbasa iti Biblia
(4 min.) Sal 69:1-25 (th adalen 2)
4. Kinaanus—Ti Inaramid ni Jesus
(7 min.) Pagsasaritaan. I-play ti VIDEO, sa pagsasaritaan ti lmd leksion 8 punto 1-2.
5. Kinaanus—Tuladem ni Jesus
(8 min.) Pagsasaritaan a naibatay iti lmd leksion 8 punto 3-5 ken “Kitaem Met.”
Kanta 134
6. Lokal a Kasapulan
(5 min.)
7. Dagiti Prinsipio a Makatulong iti Panagdaydayaw ti Pamilia
(10 min.) Pagsasaritaan.
Idi Enero 2009, ti Panagadal ti Kongregasion iti Biblia ket naitipon iti Teokratiko nga Eskuelaan ti Panagministro ken Gimong ti Serbisio. Napagmaymaysan amin dagita iti gimong iti tengnga ti lawas. Gapu iti dayta, addan tiempo dagiti pamilia a mangyeskediul iti panagdaydayaw ti pamiliada iti kada lawas. Adu ti nangibaga nga agyamyamanda iti daytoy nga urnos ta nagbalinda a nadekdekket ken Jehova ken kas pamilia.—De 6:6, 7.
Ania ti dadduma a prinsipio ti Biblia a makatulong kadagiti ulo ti pamilia tapno agbalin a regular ken makaisuro ti Panagdaydayaw ti Pamiliada?
-
Regular koma dayta. No posible, mangyeskediulkayo iti espesipiko nga aldaw ken oras iti kada lawas para iti panagdaydayaw ti pamiliayo. No kas pagarigan saan a masurot dayta gapu iti di ninamnama a pasamak, iyeskediulyo iti sabali nga aldaw
-
Agsaganaka. Agdamagka ken baketmo, ken sagpaminsan a damagem dagiti annakmo no ania ti suhestionda. Saan a kasapulan a nabayag ti panagsaganam, aglalo no ti aktibidad nga aramidenyo iti dayta a lawas ket isu ti magusgustuanen nga ar-aramiden ti pamiliam iti panagdaydayaw ti pamiliayo
-
Ibagaymo iti pamiliam ti aktibidad nga aramidenyo. Bayat a dumakdakkel dagiti annakmo, agbaliw met ti kasapulan ken abilidadda. Dagiti koma aktibidad nga aramidenyo ket makatulong iti amin a miembro ti pamiliam a rumang-ay iti naespirituan
-
Naragsak ken relaks koma ti panagdaydayaw ti pamiliayo. No dadduma, mabalinyo ti agadal iti ruar no nasayaat ti paniempo. Mabalinyo ti ag-break wenno aginana no kasapulan. Uray no nasayaat a gundaway ti Panagdaydayaw ti Pamilia tapno mapagsasaritaan dagiti espesipiko a problema dagiti annakyo, saanyo koma nga usaren dayta a tiempo tapno ungtan wenno disiplinaen ida
-
Agduduma koma dagiti aktibidad nga aramidenyo. Mabalinyo ti agisagana iti maysa a paset ti gimong, agbuya iti video iti jw.org sa pagsasaritaanyo, ken agpraktis para iti ministerio. Uray no panagsasarita ti kangrunaan a paset ti Panagdaydayaw ti Pamilia, mabalin met nga usaren ti dadduma nga oras para iti personal a panagadal ti tunggal miembro ti pamilia
Pagsasaritaan daytoy a saludsod:
-
Ania kadagitoy a prinsipio ti iyap-aplikaryo iti panagdaydayaw ti pamiliayo?
8. Panagadal ti Kongregasion iti Biblia
(30 min.) bt kap. 13 ¶8-16, kahon iti p. 105
