Dagiti video ket mangtukay iti puso dagiti tattao gapu ta makaatrakar iti mata ken lapayag. Makatulong daytoy a mangtengngel iti atension ken saan a nalaka a malipatan. Ni Jehova ti kasayaatan nga ulidan iti panangusar kadagiti visual aid iti panangisuro.—Ara 10:9-16; Apo 1:1.

Dagiti video nga Adda Kadi Nagan ti Dios?, Siasino ti Autor ti Biblia?, ken Kasanotayo a Masigurado a Pudno ti Biblia? ket mangted kadagiti kanayonan nga impormasion iti leksion 2 ken 3 ti broshur a Naimbag a Damag. Dagiti video nga Apay nga Adalem ti Biblia?, Kasano ti Panagadal iti Biblia?, ken Ania ti Maar-aramid iti Kingdom Hall? ket mangparegta iti adu tapno makipagadalda iti Biblia kadatayo wenno tumabunoda kadagiti gimong ti kongregasion. Dadduma kadagiti atiddog a video ket mabalin met nga usaren iti panangisuro kadagiti iyad-adalan iti Biblia.—km 5/13 3.

• I-download a nasaksakbay ti video a kayatmo nga ipabuya iti bumalay

• Mangisagana iti maysa wenno dua a saludsod a sungbatan ti video

• Buyaenyo a dua ti video

• Pagsaritaanyo dagiti kangrunaan a punto

• Mapan iti likud ti maysa kadagiti tract-tayo, sa ipakita ti code a mangiturong iti video nga Apay nga Adalem ti Biblia?

• Ipabuya ti video a Kasanotayo a Masigurado a Pudno ti Biblia? sa itukon ti broshur a Naimbag a Damag, nga itampok ti leksion 3