NO APAY A NAPATEG: Kas iti adu nga alikamen, mabalin a makatulong wenno makadangran ti social network. Saan a kayat ti dadduma a Kristiano ti agusar iti social network. Adda met dagiti agusar iti dayta tapno makakomunikarda ti pamilia ken gagayyemda. Ngem kayat ti Diablo a saan a nasayaat ti panangusartayo iti social network tapno madadael ti reputasion ken espiritualidadtayo. Kas ken Jesus, mabalintayo nga usaren dagiti prinsipio iti Sao ti Dios tapno mailasintayo dagiti peggad ket maliklikantayo dagita.​—Lu 4:4, 8, 12.

DAGITI SILO A LIKLIKAN:

• Nalabes a panangusar iti social media. No adu unay nga oras ti us-usarentayo iti social network wenno social media, maibus ti napateg a tiempotayo a para koma kadagiti naespirituan nga aktibidad

  Prinsipio iti Biblia: Efe 5:15, 16; Fil 1:10

• Panangkita kadagiti kuestionable a material. Ti panangkita kadagiti makagargari a ladawan ket mabalin nga agresulta iti pannakaadikto iti pornograpia wenno immoralidad. Mabalin a madadael ti pammati ti maysa no agbasa kadagiti material wenno blog dagiti apostata

  Prinsipio iti Biblia: Mt 5:28; Fil 4:8

• Panangi-post iti di maitutop a komento wenno retrato. Gapu ta manangallilaw ti puso, mabalin nga agannayas ti maysa nga agi-post kadagiti di maitutop a komento wenno retrato iti social network. Mabalin a dayta ti mangdadael iti reputasion ti maysa wenno pakaitibkolanna iti naespirituan

  Prinsipio iti Biblia: Ro 14:13; Efe 4:29

BUYAEN TI VIDEO NGA AGANNADKA NO AGUSARKA ITI SOCIAL NETWORK, SA REPASUEN NO KASANO A MALIKLIKAN DAGITOY NGA EKSENA: