Sakbay nga agaramidtayo iti bassit wenno dakkel a desision, isalsaludsodtayo kadi iti bagitayo, ‘Ania ngata ti makuna ni Jehova?’ Ditay pulos maammuan ti amin maipapan iti panunot ni Jehova ngem umdas ti impakaammona iti Saona tapno sanayennatayo iti “tunggal naimbag nga aramid.” (2Ti 3:16, 17; Ro 11:33, 34) Natarusan a naimbag ni Jesus ti pagayatan ni Jehova ket impangpangrunana dayta iti biagna. (Jn 4:34) Kas panangtulad ken Jesus, aramidentay koma ti amin a kabaelantayo nga agaramid kadagiti desision a mangparagsak ken Jehova.​—Jn 8:28, 29; Efe 5:15-17.

BUYAEN TI VIDEO NGA ITULTULOYYO A TARUSAN TI PAGAYATAN NI JEHOVA (LE 19:18) SA SUNGBATAN DAGITOY A SALUDSOD:

• Apay a masapul nga iyaplikartayo dagiti prinsipio ti Biblia iti biagtayo?

• Ania dagiti prinsipio ti Biblia a masapul nga ikabilangantayo no agpilitayo iti musika?

• Ania dagiti prinsipio ti Biblia a masapul nga ikabilangantayo iti panagbadbado ken panaglanglangatayo?

• Kadagiti ania pay a paset ti biagtayo a masapul nga iyaplikartayo dagiti prinsipio ti Biblia?

• Kasanotayo a maparang-ay ti abilidadtayo a mangtarus iti pagayatan ni Jehova?