PANAGBIAG KAS KRISTIANO
Piliem a Nainsiriban ti Paglinglingayam
Apay a masapul a pilientayo a nainsiriban ti paglinglingayantayo? Gapu ta no agpilpilitayo iti pelikula a buyaen, kanta a denggen, website a bisitaen, libro a basaen, wenno video game nga ay-ayamen, pilpilientayo metten no ania ti iserrektayo iti isiptayo. Dagiti pilitayo apektaranda ti ugalitayo. Makapaladingit ta kaaduan a paglinglingayan ita ket naglaon kadagiti kagura ni Jehova. (Sal 11:5; Ga 5:19-21) Gapuna, balakadannatayo ti Biblia nga itultuloytayo a panunoten ti bambanag a pakaidayawan ni Jehova.—Fil 4:8.
BUYAEN TI VIDEO NGA ANIA TI PILIEK A PAGLINGLINGAYAN? SA SUNGBATAN DAGITOY:
-
Ania ti pagpadaan ti ay-ayam dagiti gladiator iti nagkauna a Roma ken ti dadduma a paglinglingayan ita?
-
Kasano a matulongan dagiti miembro ti kongregasion dagiti agtutubo tapno makapilida a nainsiriban iti paglinglingayan?
-
Ania koma ti epekto ti Roma 12:9 iti panagpilitayo iti paglinglingayan?
-
Ania ti sumagmamano a nasayaat a paglinglingayan iti lugaryo?