Ti broshur a Siasino Ita Dagiti Mangar-aramid iti Pagayatan ni Jehova? ket nairanta a mapagsaritaan iti rugi wenno ngudo ti tunggal panangyadal iti Biblia. * Iti leksion 1 agingga iti 4, maam-ammodatayo dagiti mayad-adalan iti Biblia kas maysa nga organisasion, iti leksion 5 agingga iti 14, maammuanda ti maipapan kadagiti aktibidadtayo, ken iti leksion 15 agingga iti 28, makitada ti panagandar ti organisasiontayo. Kaaduanna a nasaysayaat no pagsasarunuenyo nga adalen dagiti leksion malaksid no adda maibagay iti agdama a kasapulanna. Ti tunggal leksion ket maysa laeng a panid ken mabalin a pagsaritaan iti lima agingga iti sangapulo a minuto.

• Ipakita ti saludsod a paulo ti leksion

• Mabalinyo a mammaminsan a basaen ti intero a leksion wenno subtitulo por subtitulo

• Pagsaritaanyo ti binasayo. Usarem dagiti saludsod iti baba ti panid ken dagiti ladawan. No maitutop, basaen ken pagsaritaanyo dagiti naisitar a teksto. Ipakitam a sungbatan dagiti subtitulo a napuskol ti pannakaisuratna ti saludsod a paulo ti leksion

• No adda ti kahon nga “Ammuem ti Ad-adu Pay,” basaenyo a dua dayta ken paregtaem ti iyad-adalam nga aramidenna ti singasing