Naibilin ken Jeremias nga ipakaammona kadagiti Judio ti asidegen a pannakadadaelda gapu ta nalipatanda ti Diosda a ni Jehova. (Jer 13:25) Kasano a nagbalin a nakaay-ay-ay ti espiritualidad ti nasion? Napukaw dagiti pamilia iti Israel ti espiritualidadda. Saan la ketdi a tinungpal dagiti ulo ti pamilia ti bilin ni Jehova iti Deuteronomio 6:5-7.

Makatulong dagiti pamilia a nabileg ti espiritualidadda tapno agbalin a natibker dagiti kongregasiontayo ita. Matulongan dagiti amma ti pamiliada a manglagip ken Jehova babaen ti regular ken makaisuro a Panagdaydayaw ti Pamiliada. (Sal 22:27) Kalpasan a mabuyayo ti video a ‘Dagitoy a Sasao Masapul nga Addada iti Pusom’—Interbiu Kadagiti Pamilia, sungbatanyo dagitoy a saludsod:

• Kasano a napagballigian ti dadduma a pamilia dagiti gagangay a posible a lapped iti panagdaydayaw ti pamiliada?

• Ania dagiti bendision ti kaadda ti regular ken makaisuro a Panagdaydayaw ti Pamilia?

• Ania dagiti pakaipaspasanguak a posible a lapped iti panagdaydayaw ti pamiliami ken ania dagiti planok nga aramiden tapno mapagballigiak dagita?