• Ikabilmo ti adresmo. No panagkunam ket saan a nainsiriban nga ikabil ti adresmo, mabalinmo nga usaren ti adres ti Kingdom Hall no ipalubos dagiti panglakayen. Ngem dimo PULOS usaren ti adres ti sanga nga opisina.

• Usarem ti nagan ti suratam no ammom tapno saanna nga ipapan nga aglaklakoka.

• Siguraduem nga umiso ti ispeling, gramatika, ken puntuasion ti suratmo. Nadalus ken naurnos koma dayta. Nalaka koma a basaen no manomano nga isuratmo. Saan koma a kasual wenno pormal unay ti usarem a sasao.

Makita dagitoy a punto iti nairaman a pagtuladan a surat. Ngem saan a nairanta a makopia a sao por sao daytoy no adda suratam iti teritoriayo. Ibagaymo ti suratmo iti panggep, kasasaad, ken kaugalian iti lugaryo.