NO APAY A NAPATEG: Adu a bulsek ti saan a komportable a makisarita kadagiti dida am-ammo. Agkasapulan ngarud iti abilidad tapno makasabaan ida. Ipakpakita ni Jehova ti ayatna kadagiti bulsek. (Le 19:14) Matuladtayo ni Jehova no ikagumaantayo a tulongan iti naespirituan dagiti bulsek.

NO KASANO NGA ARAMIDEN:

• ‘Biroken’ dagiti bulsek. (Mt 10:11) Adda kadi am-ammoyo a bulsek ti kapamiliada? Iti teritoriayo, adda kadi dagiti eskuelaan, nursing home, wenno dadduma pay a pasilidad a kayatda dagiti publikasion a para kadagiti bulsek?

• Ipakita ti personal nga interes. Saan a mabuteng a makisarita kenka ti maysa a bulsek no mariknana a napudnoka a makigayyem ken talaga a maseknanka kenkuana. Padasem nga irugi ti saritaan iti banag a makapainteres kenkuana

• Tulongan a mangammo maipapan iti Dios. Tapno matulongan dagiti adda depekto ti panagkitada, nangaramid ti organisasion iti nadumaduma a pormat ti literatura. Damagem ti bulsek no kasano ti kayatna a pamay-an ti panagadal. Masapul a siguraduen ti manangaywan iti serbisio a ti agas-asikaso iti literatura ket makapagorder iti pormat a kayat ti bulsek