Abril 1-7
SALMO 23-25
Kanta 4 ken Kararag | Panglukat a Sasao (1 min.)
1. “Ni Jehova ti Pastorko”
(10 min.)
Iturongnatayo ni Jehova (Sal 23:1-3; w11 5/1 31 ¶3)
Salaknibannatayo ni Jehova (Sal 23:4; w11 5/1 31 ¶4)
Taraonannatayo ni Jehova (Sal 23:5; w11 5/1 31 ¶5)
Ay-aywanan ni Jehova dagiti adipenna kas iti panangaywan ti nadungngo a pastor kadagiti karnerona.
ISALUDSODMO ITI BAGIM, ‘Kasano nga inaywanannak ni Jehova?’
2. Panagkali iti Naespirituan a Gameng
(10 min.)
Sal 23:3—Ania dagiti “dalan ti kinalinteg,” ken ania dagiti makatulong tapno saantayo a panawan dagita? (w11 2/15 24 ¶1-3)
Iti panagbasa iti Biblia ita a lawas, ania dagiti naespirituan a gameng a kayatyo nga iranud?
3. Panagbasa iti Biblia
(4 min.) Sal 23:1–24:10 (th adalen 5)
4. Panangirugi iti Saritaan
(3 min.) DI PORMAL A PANANGASABA. Mangibasa iti makaparegta a teksto ti Biblia iti maysa a tao a nangibaga kenka a maseknan iti aglawlaw. (lmd leksion 2 punto 5)
5. Panagsarungkar
(4 min.) PANAGBALAYBALAY. Idemostra ti panagadal iti Biblia iti maysa nga immawat iti broshur nga Agbiagka a Naragsak iti Agnanayon! (lmd leksion 9 punto 3)
6. Panagaramid iti Adalan
(5 min.) lff leksion 14 punto 4 (lmd leksion 11 punto 3)
Kanta 54
7. Adaywantayo ti Timek Dagiti Estranghero
(15 min.) Pagsasaritaan.
Am-ammo dagiti karnero ti timek ti pastorda isu a surotenda. Iti sabali a bangir, adaywanda ti estranghero ta saanda nga am-ammo ti timekna. (Jn 10:5) Kasta met, dumngegtayo iti timek dagiti naayat ken mapagtalkan a naespirituan a Pastortayo, da Jehova ken Jesus. (Sal 23:1; Jn 10:11) Ngem saantayo a denggen ti timek dagiti estranghero a mangikagkagumaan a mangpakapuy iti pammatitayo babaen kadagiti “ulbod a sasao.”—2Pe 2:1, 3.
Deskribiren ti Genesis kapitulo 3 ti damo a pannakangngeg ti tao iti timek ti estranghero. Saan nga impakaammo ni Satanas ken Eva no asino a talaga isuna, isu a naallilawna ni Eva. Nagpammarang a gayyemna, ken binaliktadna ti imbaga ken motibo ni Jehova. Makapaladingit ta dimngeg ni Eva, a nagresulta iti nakaro a panagsagabana ken ti pamiliana.
Ikagkagumaan ita ni Satanas nga imula iti panunottayo ti panagduadua maipapan ken Jehova ken iti organisasionna babaen ti panangiwarasna kadagiti negatibo a report, kurang nga impormasion, ken kinaulbod. No mangngegtayo ti timek ti estranghero, masapul nga adaywantayo! Napeggad ti dumngeg iti dayta uray apagbiit laeng a panagusioso. Kasano kaadu ti imbaga ni Satanas tapno maallilawna ni Eva iti apagbiit laeng a panagsaritada? (Ge 3:1, 4, 5) Kasano ngay no adda am-ammotayo—maysa a mangay-ayat kadatayo ken nasayaat ti intensionna—a mangipakita kadatayo iti negatibo nga impormasion maipapan iti organisasion ni Jehova?
I-play ti VIDEO nga Adaywam ti “Timek Dagiti Estranghero.” Kalpasanna, isaludsod daytoy:
Ania ti masursurom iti inaramid ni Jade idi kayat ti di Saksi a nanangna ti mangipakita iti negatibo nga impormasion maipapan iti organisasion ni Jehova?
8. Panagadal ti Kongregasion iti Biblia
(30 min.) bt kap. 8 ¶1-4, kahon iti p. 61-62