Abril 29–Mayo 5
SALMO 34-35
Kanta 10 ken Kararag | Panglukat a Sasao (1 min.)
1. ‘Idaydayawtayo ni Jehova iti Amin a Tiempo’
(10 min.)
Indaydayaw ni David ni Jehova uray idi naipasango iti pakarigatan (Sal 34:1; w07 3/1 22 ¶11)
Impannakkel ni David ni Jehova, saan a ti bagina (Sal 34:2-4; w07 3/1 22-23 ¶13)
Ti imbaga ni David a pammadayaw ti nangpabileg kadagiti kakaduana (Sal 34:5; w07 3/1 23-24 ¶15)
Idi naispal ni David manipud ken Abimelec, nakitipon kenkuana iti let-ang ti 400 a lallaki nga adda saksakiten ti nakemna ken Saul. (1Sa 22:1, 2) Mabalin nga isuda ti pampanunoten ni David idi insuratna daytoy a salmo.—Sal 34, superskripsion.
ISALUDSODMO ITI BAGIM, ‘Inton sumaruno a gimong, kasano a maidaydayawko ni Jehova no adda makatungtongko?’
2. Panagkali iti Naespirituan a Gameng
(10 min.)
-
Sal 35:19—Ania ti kaipapanan ti kiddaw ni David a saan koma nga “agkikinnidday” dagidiay manggurgura kenkuana? (w06 5/15 20 ¶2)
-
Iti panagbasa iti Biblia ita a lawas, ania dagiti naespirituan a gameng a kayatyo nga iranud?
3. Panagbasa iti Biblia
(4 min.) Sal 34:1-22 (th adalen 5)
4. Panangirugi iti Saritaan
(2 min.) DI PORMAL A PANANGASABA. Agpatingga ti saritaan a saanka a nakapangasaba. (lmd leksion 1 punto 4)
5. Panagsarungkar
(4 min.) DI PORMAL A PANANGASABA. (lmd leksion 2 punto 4)
6. Panangilawlawag iti Patpatien
(5 min.) Demostrasion. ijwfq 59—Tema: Kasano a Maikeddeng Dagiti Saksi ni Jehova no Mabalin a Selebraran ti Maysa nga Okasion? (th adalen 17)
Kanta 59
7. Tallo a Pamay-an a Maidaydayawtayo ni Jehova Kadagiti Gimong
(15 min.) Pagsasaritaan.
Dagiti gimong iti kongregasion ket nagsayaat nga oportunidad tapno maidaydayawtayo ni Jehova. Dagitoy ti tallo a pamay-an.
Pannakisarita: Ibagam ti kinaimbag ni Jehova no makisarsaritaka iti dadduma. (Sal 145:1, 7) Adda kadi nangngegmo wenno nabasam a punto a nakatulong kenka? Adda kadi mayat a kapadasam iti ministerio? Naparegtaka kadi iti imbaga wenno inaramid ti sabali? Adda kadi naobserbaram kadagiti parsua a nagsiddaawam? Regalo amin dagita ni Jehova. (San 1:17) Sumangpetka a nasapa tapno adda tiempom a makisarita iti dadduma.
Panagkomento: Iti kada gimong, ikagumaam ti makapagkomento uray maysa laeng. (Sal 26:12) Mabalinmo ti mangipaay iti direkta a sungbat iti saludsod wenno komentuan ti maysa a segundario a punto, teksto, ladawan, wenno ti aplikasionna. Gapu ta mabalin nga adda dagiti kagiddanmo nga agitayag, mangisaganaka iti sumagmamano a komento. Ad-adu ti makaipaay iti “daton ti panangidaydayaw” iti Dios no agkomentotayo iti 30 a segundo wenno awan pay.—Heb 13:15.
Panagkanta: Sigaganaygay a kantaem dagiti kanta ti Pagarian. (Sal 147:1) Mabalin a saanka a makapagkomento iti kada gimong, nangruna iti dakkel a kongregasion, ngem kanayon a mabalinmo ti makiraman iti panagkanta. Uray no panagkunam ket saanka a nalaing nga agkanta, no aramidem ti amin a kabaelam, sigurado a maparagsakmo ni Jehova! (2Co 8:12) Makapagsaganaka no praktisem dagiti kanta iti balayyo.
I-play ti VIDEO a Ti Umab-abante a Pakasaritaantayo—Ti Regalo a Kanta, Paset 1. Kalpasanna, isaludsod daytoy:
Iti rugrugi ti organisasiontayo iti moderno a panawen, kasano nga impakitatayo a nagpateg ti panagkanta iti panangidaydayaw ken Jehova?
8. Panagadal ti Kongregasion iti Biblia
(30 min.) bt kap. 9 ¶1-7, intro ti seksion 3, ken kahon iti p. 70
