Ti JW Library ket libre nga app (software application) tapno mai-download-mo ti Biblia ken dadduma pay a publikasion, video, ken audio iti selpon, tablet, wenno kompiutermo.

NO KASANO TI MAADDAAN: Agkonektarka iti Internet sa iy-install-mo ti JW Library manipud iti app store. Daytoy nga app ket mabalin kadagiti nagduduma a device. Bayat a naka-online-ka, luktam ti app ken piliem dagiti kayatmo nga i-download iti device-mo. No awan ti Internet iti pagtaengam, mabalinmo nga aramiden dayta iti Kingdom Hall, iti publiko a libraria, wenno iti dadduma pay a lugar a mabalinmo ti ag-online. No nai-download-mon dagiti publikasion iti device-mo, maluktam dagita uray saankan a nakakonektar iti Internet. Gapu ta adda dagiti baro a feature a regular a mainaynayon iti JW Library, sagpaminsan koma nga agkonektarka iti Internet ket iy-install-mo dagiti update ti app no magun-odanen dagita.

APAY A NAPATEG? Dakkel a tulong ti JW Library iti personal a panagadal ken bayat dagiti gimong ti kongregasion. Makatulong met daytoy iti ministerio nangnangruna iti panangasaba iti di pormal.