Ti disiplina ket kangrunaanna a tumuktukoy iti instruksion ken edukasion, ngem ramanenna met ti panangilinteg ken dusa. Disdisiplinaennatayo ni Jehova tapno akseptarenna ti panagdayawtayo kenkuana. (Ro 12:1; Heb 12:10, 11) No dadduma nasakit ti disiplina, ngem pagbalinennatayo a nalinteg ken mabendisionantayo. (Pr 10:7) Ania ti laglagipen dagidiay mangdisiplina ken dagiti madisiplina?

Ti mangdisiplina. Kas ken Jehova, naasi ken naayat koma dagiti panglakayen, nagannak, ken ti dadduma no mangdisiplinada. (Jer 46:28) Uray masapul a nadagsen a disiplina ti maited no kasapulan, naayat koma latta.—Tit 1:13.

Ti madisiplina. Aniaman a kita ti pannakadisiplinatayo, awatentayo koma dayta ken aramidentayo a dagus. (Pr 3:11, 12) Kasapulantayo amin ti disiplina ta imperpektotayo, ket maipaay dayta iti nagduduma a pamay-an. Mabalin a madisiplinatayo kadagiti nabasatayo iti Biblia wenno kadagiti nangngegtayo iti gimong iti kongregasion. No dadduma, adda dagiti kasapulan a madisiplina nga asikasuen ti hudisial a komite. No awatentayo ti disiplina, mangiturong dayta iti biag.—Pr 10:17.

BUYAEN TI VIDEO A “DISIPLINAEN NI JEHOVA DAGIDIAY AY-AYATENNA,” SA SUNGBATAN DAGITOY:

• Ania ti dati a biag ni Canon, ngem kasano a nagbaliw dayta?

• Kasano a siaayat a dinisiplina ni Jehova?

• Ania ti masursurotayo iti kapadasanna?