Bayat nga addatayo iti maudi a paset ti “maudi nga al-aldaw,” ekspektarentayo a rumigat a rumigat ti situasion. (2Ti 3:1; Kitaen ti “pangs of distress” study note iti Mt 24:8, nwtsty-E) No mapasamak dagiti didigra, kanayon a makaawat dagiti adipen ni Jehova iti naintiempuan nga instruksion tapno maprotektaran ti biagtayo. Tapno maprotektaran ti espiritualidad ken biagtayo, masapul nga agtulnog ken agsaganatayo itan.—Lu 16:10.

• Naespirituan a panagsagana: Maaddaan iti nasayaat a rutina. Sursuruen ti nadumaduma a kita ti ministerio. Dika agdanag no temporario a maisinaka kadagiti kakabsat iti kongregasion. (Isa 30:15) Saanka a pulos naisina ken Jehova ken ni Jesus.—od 176 ¶15-17

• Pisikal a panagsagana: Malaksid iti go bag, agreserba ti tunggal pamilia iti kalkalainganna ti kaaduna a makan, danum, agas, ken dadduma pay a banag no kasapulan nga agtalinaedkayo iti maysa a lugar iti napaut a tiempo.—Pr 22:3; g17.5 4, 6

BUYAEN TI VIDEO A NAKASAGANAKAYO KADI NO DUMTENG TI NATURAL A DIDIGRA? SA SUNGBATAN DAGITOY:

• Kasano a maisaganatayo ti espiritualidadtayo bayat nga awan pay ti didigra?

• Apay nga . . .

  • adda koma nasayaat a komunikasiontayo kadagiti panglakayen?

  • agisaganatayo iti emergency kit?

  • ammotayo koma dagiti didigra a mabalin a mapasamak ken no ania ti aramidentayo iti tunggal situasion?

• Ania dagiti tallo a pamay-an a matulongantayo dagiti nadidigra?

ISALUDSODMO ITI BAGIM, ‘Ania ti nasursurok iti COVID-19 pandemic no iti panagsagana?’