Kas imperpekto a tattao, agtultuloy nga ikagkagumaantayo a kontrolen dagiti tarigagaytayo. Ta no saan, mabalin a mapukawtayo ti pabor ni Jehova. Kas pagarigan, adda dagiti nangipalubos a mas ayatenda ti makan, bado, ken pagtaengan imbes a ti Dios. Saan met nga inkabilangan ti dadduma dagiti pagalagadan ti Dios tapno laeng mapennek dagiti seksual a tarigagayda. (Ro 1:26, 27) Impalubos met ti dadduma a maimpluensiaanda nga agaramid iti dakes gapu ta kayatda a maala ti pabor ti tattao.​—Ex 23:2.

Kasanotayo a maammuan no ania dagiti tarigagaytayo? Aramidentayo ti amin a kabaelantayo nga agpokus kadagiti naespirituan a bambanag. (Mt 4:4) Ken ipakaasitayo ken Jehova a tulongannatayo a mangkontrol iti tarigagaytayo. Apay? Gapu ta ammona ti kasayaatan para kadatayo ken ammona no kasano a penken dagiti umiso a tarigagaytayo.​—Sal 145:16.

BUYAEN TI VIDEO A DIMO IPALUBOS NGA AGBALIN A KASLA ASUK TI BIAGMO, SA SUNGBATAN DAGITOY:

• Apay nga agsigarilio ti dadduma a tattao?

• Ania ti epekto kenka ti panagsigarilio?

• Apay a dakes ti panagsigarilio ken panag-vape?​—2Co 7:1

• Kasanom a maliklikan wenno maisardeng ti panagsigarilio?