Iti ministeriona, inusar ni Jesus dagiti agdama a pasamak tapno mangisuro kadagiti leksion. (Lu 13:1-5) Mabalinmo met nga usaren dagiti agdama a pasamak tapno maalam ti interes dagiti tattao iti mensahe ti Pagarian. Kalpasan a maibagam ti kinangina dagiti gagatangen, natural a didigra, riribuk, pannakaadikto iti droga, wenno dadduma pay, agusarka iti mamagpanunot a saludsod. Mabalinmo a damagen: “Panagkunam, agpatingganto ngata ti . . . ?” wenno “Panagkunam, adda ngata solusion ti . . . ?” Kalpasanna, mangibasaka iti maysa a teksto iti Biblia a maitunos iti topiko. No mangipakita iti interes dayta a tao, iturongmo ti atensionna iti maysa a video wenno publikasion iti Toolbox iti Panangisuro. Bayat nga ikagkagumaantayo a danonen ti puso dagiti tattao iti teritoriatayo, sapay koma ta ‘aramidentayo ti amin a banag gapu iti naimbag a damag.’​—1Co 9:22, 23.

Ania dagiti topiko a mabalin a paginteresan dagiti tattao iti teritoriayo?