Mayo 27–Hunio 2
SALMO 42-44
Kanta 86 ken Kararag | Panglukat a Sasao (1 min.)
1. Naan-anay a Magunggonaan iti Panangisuro ti Dios
(10 min.)
Gundawayam dagiti oportunidad nga agdaydayaw ken Jehova a kadua ti sabsabali, iti in person agingga a mabalin (Sal 42:4, 5; w06 6/1 9 ¶4)
Agkararagka sakbay nga adalem ti Sao ti Dios (Sal 42:8; w12 1/15 15 ¶2)
Ipalubosmo a ti Biblia ti mangidalan iti amin nga aspeto ti biagmo (Sal 43:3)
Pabilgennatayo ti panangisuro ti Dios tapno kayatayo a sanguen dagiti pakasuotan ken matungpaltayo ti dedikasiontayo.—1Pe 5:10; w16.09 5 ¶11-12.
2. Panagkali iti Naespirituan a Gameng
(10 min.)
-
Sal 44:19—Ania ti mabalin a tukoyen ti termino a “pagnanaedan dagiti chakal”? (it-1 554)
-
Iti panagbasa iti Biblia ita a lawas, ania dagiti naespirituan a gameng a kayatyo nga iranud?
3. Panagbasa iti Biblia
(4 min.) Sal 44:1-26 (th adalen 11)
4. Panangirugi iti Saritaan
(4 min.) PANAGBALAYBALAY. Itukon ti panagadal iti Biblia. (lmd leksion 5 punto 5)
5. Panagsarungkar
(5 min.) PANAGBALAYBALAY. Iyawismo iti makasaritam ti sumaruno a palawag publiko. Ibagam ti maipapan iti video nga Ania ti Maar-aramid iti Kingdom Hall? (lmd leksion 7 punto 5)
6. Palawag
(3 min.) lmd apendise A punto 4—Tema: Perpektonto ti Salun-at ti Amin. (th adalen 2)
Kanta 21
7. Mangaramid Kadagiti Nainsiriban a Desision Maipapan iti Trabaho ken Edukasion
(15 min.) Pagsasaritaan.
Dakayo nga agtutubo, ania dagiti planoyo kalpasan nga aggraduarkayo iti hayskul? Baka adda pampanunotemon a trabaho a makatulong tapno makapagpayunirka. Wenno mabalin a pampanunotem ti mangala iti kanayonan a training tapno maaddaanka iti paglaingan, lisensia, wenno diploma a makatulong tapno makabirokka iti kasta a trabaho. Makapagagar la ketdi dayta a tiempo iti biagmo! Ngem mabalin a saanmon nga ammo ti aramidem gapu ta adu ti pagpiliam wenno gapu ta kasla mapilitanka a mangaramid iti desision a mangparagsak iti sabsabali. Ania ti makatulong kenka tapno makaaramidka kadagiti nainsiriban a desision?
Basaen ti Mateo 6:32, 33. Kalpasanna, isaludsod dagitoy:
-
Apay a nasayaat no addan pampanunotem a naespirituan a kalat sakbay a mangaramidka kadagiti napateg a desision maipapan iti trabaho ken edukasion?
-
Kasano a matulongan dagiti nagannak ti annakda tapno mayaplikarda ti Mateo 6:32, 33?—Sal 78:4-7
Agannadka a saan koma a ti tarigagay nga agbalin a natalged iti pinansial wenno ti panagbalin a sikat ti mangimpluensia kadagiti desisionmo. (1Jn 2:15, 17) Laglagipem a no adu ti sanikua ti maysa a tao, mabalin a marigatan a mangyun-una iti Pagarian. (Lu 18:24-27) No ikagkagumaan ti maysa ti agpabaknang, marigatan a maaddaan iti nabileg a pammati ken agpokus iti panangparagsak ken Jehova.—Mt 6:24; Mr 8:36.
I-play ti VIDEO a Dikay Agtalek Kadagiti Banag nga Agpatingga!—Kinabaknang. Kalpasanna, isaludsod daytoy:
-
Kasano a makatulong kenka ti Proverbio 23:4, 5 tapno makaaramidka kadagiti nainsiriban a desision?
8. Panagadal ti Kongregasion iti Biblia
(30 min.) bt kap. 10 ¶5-12
