NO APAY A NAPATEG: Ti panangasaba babaen ti telepono ket napateg a pamay-an ti ‘naan-anay a panangikasaba iti naimbag a damag.’ (Ara 20:24) * Babaen iti daytoy, posible latta a makasabaantayo ti maysa a tao uray no saan nga ipalubos ti kasasaad a mabisitatayo iti personal.

NO KASANO NGA ARAMIDEN:

• Agsagana. Mangpilika iti maibagay a topiko sa isuratmo dagiti kayatmo nga ibaga. Mabalin met a mangisaganaka iti ababa a mensahe a mangilawlawag no apay a timmawagka no kas pagarigan ta answering machine ti sumungbat. Makatulong no adda lamisaan a pangiparabawam iti insuratmo a presentasion ken ti dadduma pay a kasapulam, kas iti elektroniko a gadyet a nakalukat ti JW Library^® wenno jw.org^®

• Agrelakska. Natural koma ti panagsaom. Agisem ken agkompaska a kasla makitkitanaka ti kasarsaritam. Saanka nga agkarasardeng. Nasayaat no adda kaduam. No agsaludsod ti bumalay, ulitem nga ibaga tapno mangngeg ti kaduam ket matulongannaka a mangbirok iti sungbat

• Mangibati iti pagsaritaan para iti panagsarungkar. No interesado ti bumalay, mabalinmo ti mangibati iti saludsod a sungbatam inton sumaruno a tumawagka. Mabalinmo met ti mangipatulod iti espesipiko a literatura babaen ti e-mail, surat, wenno personal nga itulodmo dayta, no kayatna. Wenno mangipatulodka iti link ti maysa kadagiti video wenno artikulo iti teks wenno e-mail. No maitutop, ibagam ti maipapan iti Online Bible Study Lessons wenno ti dadduma pay a linaon ti website-tayo