Kas iti amin a gimong ti kongregasion, dagiti taripnong sakbay ti panangasaba ket sagut ni Jehova a makatulong kadatayo a mangipakita iti ayat ken nasayaat nga ar-aramid iti maysa ken maysa. (Heb 10:24, 25) Lima agingga iti pito a minuto laeng koma ti kaatiddogna, a ramanenna ti panangorganisar kadagiti agkakadua, panangited iti teritoria, ken kararag. (Ab-ababa pay koma no adda sinarunona a gimong.) Mangisagana ti mangidaulo iti punto a makatulong kadagiti mangasaba iti dayta nga aldaw. Kas pagarigan, no adu kadagiti rummuar iti Sabado ti saan a nangasaba iti napalabas a weekend, mabalin a makatulong no pagsasaritaan dagiti ibaga iti bumalay. Ania pay ti dadduma a topiko a nasayaat a pagsasaritaan?

• Pagtuladan iti pannakisarita manipud iti Panagbiag ken Ministeriotayo kas Kristiano—Workbook iti Gimong

• No kasano nga irugi ti saritaan babaen kadagiti agdama a pasamak wenno damdamag

• No kasano a sungbatan dagiti gagangay a pangguped iti saritaan

• No kasano a sungbatan ti maysa nga ateista, ebolusionista, sabali ti lengguahena, wenno sabali ti relihionna a manmano a masarakan iti teritoriayo

• No kasano nga usaren ti maysa a feature ti jw.org a website, ti JW Library^® app, wenno ti Biblia

• No kasano nga usaren ti maysa kadagiti alikamentayo manipud iti Toolbox iti Panangisuro

• No kasano nga aramiden ti nagduduma a pamay-an ti panagministerio, kas iti telephone witnessing, letter writing, public witnessing, panagsarungkar, wenno panangyadal iti Biblia

• Dagiti palagip maipapan iti kinatalged, pannakibagay, nasayaat a kababalin, kinapositibo, wenno dadduma pay

• Maysa a leksion wenno video manipud iti Agbalin a Nalaing nga Agbasa ken Mangisuro a broshur

• No kasano a paregtaen ken tulongan ti partnermo iti ministerio

• Maysa a teksto a makatulong iti ministerio wenno maysa a makaparegta a kapadasan iti ministerio