Dakkel ti maar-aramidan dagiti kakabsat a babbai iti trabaho para iti Pagarian. (Sal 68:11) Adu ti iyad-adalanda iti Biblia ken kaaduan iti bilang ti regular pioneer ket babbai. Rinibu kadagiti kakabsat a babbai ti agserserbi kas Bethelite, misionero, construction volunteer wenno construction servant, ken translator. Maparparegta dagiti nataengan iti naespirituan a kakabsat a babbai ti pamiliada ken ti kongregasion. (Pr 14:1) Uray saanda a makapagserbi kas panglakayen wenno ministerial nga adipen, adda latta dagiti maaramidanda para iti kongregasion. No maysaka a sister, ania dagiti mabalinmo nga aramiden tapno ad-adu ti maaramidam?

• Parang-ayem dagiti Nakristianuan a kualidad.—1Ti 3:11; 1Pe 3:3-6

• Tulongam dagiti bassit pay ti kapadasanda a kakabsat a babbai iti kongregasion.—Tit 2:3-5

• Parang-ayem ti kalidad ken nayonam ti orasmo iti ministerio

• Agsursuroka iti sabali a lengguahe

• Umakarka iti lugar a dakdakkel ti panagkasapulanna

• Agaplayka nga agboluntario iti Bethel wenno tumulongka iti konstruksion dagiti pasilidad ti organisasion

• Agaplayka iti School for Kingdom Evangelizers

BUYAEN TI VIDEO A “NAGAGET A BABBAI NGA AGTRABTRABAHO PARA ITI APO,” SA SUNGBATAN DAYTOY:

• Kasano a mapabpabilegka kadagiti komento dagiti sister?