Nobiembre 18-24
SALMO 107-108
Kanta 7 ken Kararag | Panglukat a Sasao (1 min.)
1. “Agyamankayo ken Jehova, ta Isu Ket Naimbag”
(10 min.)
Kas iti panangisalakan ni Jehova iti Israel manipud iti Babilonia, inispalnatayo met ni Jehova manipud iti lubong ni Satanas (Sal 107:1, 2; Col 1:13, 14)
Agyamyamantayo unay ken Jehova isu a matignaytayo a mangidaydayaw kenkuana iti kongregasion (Sal 107:31, 32; w07 4/15 20 ¶2)
Umuneg ti panagyamantayo ken Jehova no panunotentayo ti amin nga inaramidna para kadatayo (Sal 107:43; w15 1/15 9 ¶4)
2. Panagkali iti Naespirituan a Gameng
(10 min.)
-
Sal 108:9—Apay a naipada ti Moab iti ‘palanggana a pagbugguan’ ti Dios? (it-2 367 ¶3)
-
Iti panagbasa iti Biblia ita a lawas, ania dagiti naespirituan a gameng a kayatyo nga iranud?
3. Panagbasa iti Biblia
(4 min.) Sal 107:1-28 (th adalen 5)
4. Panangirugi iti Saritaan
(3 min.) DI PORMAL A PANANGASABA. (lmd leksion 1 punto 4)
5. Panagsarungkar
(4 min.) DI PORMAL A PANANGASABA. Ibaga ti maipapan iti programa a panagadal iti Biblia, sa mangted iti contact card para iti panagadal iti Biblia. (lmd leksion 9 punto 3)
6. Palawag
(5 min.) ijwyp 90—Tema: Kasanok a Maisardeng ti Negatibo a Panagpampanunot? (th adalen 14)
Kanta 46
7. Agkantatayo Tapno Agyaman ken Jehova
(15 min.) Pagsasaritaan.
Inispal ni Jehova dagiti mabutbuteng nga Israelita manipud kadagiti nabileg nga armada ti Egipto idiay Nalabaga a Baybay. Kas panagyaman, natignay dagiti Israelita nga agkanta. (Ex 15:1-19) Indauluan dagiti lallaki ti panangkanta iti daytoy a baro a kanta. (Ex 15:21) Nagkanta met ni Jesus ken dagiti nagkauna a Kristiano tapno idaydayawda ti Dios. (Mt 26:30; Col 3:16) Ita, agtultuloy nga ipakpakitatayo ti panagyamantayo ken Jehova babaen ti panagkantatayo kadagiti gimong, asamblea, ken kombension. Kas pagarigan, ti kanta a kalkalpas a kinantatayo nga “Agyamankami Kenka, Jehova,” ket makankantan kadagiti gimongtayo sipud 1966.
Iti dadduma a kultura, mabalin a mabain dagiti lallaki nga agkanta iti publiko. Adda met dagiti mabain nga agkanta gapu ta panagriknada ket saan a napintas ti bosesda. Ngem masapul a laglagipentayo a ti panagkanta kadagiti gimongtayo ket paset ti panagdaydayawtayo. Adu a trabaho ti ar-aramiden ti organisasion ni Jehova tapno makaaramidda kadagiti napipintas a kanta ken mapilida dagiti maitutop a kanta iti kada gimong. Ti laeng aramidentayon ket makipagkanta tapno mayebkastayo ti ayat ken panagyamantayo iti nailangitan nga Amatayo.
I-play ti VIDEO a Ti Umab-abante a Pakasaritaantayo—Ti Regalo a Kanta, Paset 2. Kalpasanna, isaludsod dagitoy:
-
Ania ti nakallalagip a napasamak idi 1944?
-
Kasano nga impakita dagiti kakabsat idiay Siberia ti apresasionda kadagiti kanta ti Pagarian?
-
Apay a nakapatpateg ti panagkanta para kadagiti Saksi ni Jehova?
8. Panagadal ti Kongregasion iti Biblia
(30 min.) bt kap. 18 ¶6-15
