NO APAY A NAPATEG: Insuro ni Jesus nga ayat ti pakabigbigan dagiti adalanna. (Jn 13:34, 35) Tapno maipakitatayo ti ayat a kas iti impakita ni Kristo, masapul a kitaentayo ti pagsayaatan ti sabsabali ken liklikantayo ti agpungtot.​—1Co 13:5.

NO KASANO NGA ARAMIDEN:

• No nasaktanka iti imbaga wenno inaramid ti maysa a tao, agsardengka ken ammuem ti puon ti problema ken ti resulta ti panggepmo nga aramiden.​—Pr 19:11

• Laglagipem nga imperpektotayo amin, ken makaibaga wenno makaaramidtayo no dadduma iti banag a pagbabawyantayo

• Risuten a dagus dagiti di pagkikinnaawatan

BUYAEN TI VIDEO A MAADDAANKAYO ITI “AYAT ITI MAYSA KEN MAYSA”​—LAKSIDEN TI KINAMANAGIMBUBUKODAN KEN KINAMANAGPUNGPUNGTOT SA SUNGBATAN DAGITOY:

• Ania ti reaksion ni Larry iti singasing ni Tom?

• Kasano a nakatulong ken Tom ti panagpanunot tapno maliklikanna ti agpungtot?

• Kasano a kimmalma ti kasasaad gapu iti naalumamay a sungbat ni Tom?