Ania dagiti kualidad a kayatmo iti maysa a gayyem? Mabalin a kayatmo ti matalek, naimbag, ken naparabur. Adda amin ken Jehova dagita. (Ex 34:6; Ara 14:17) Dumngeg no agkararagka kenkuana. Tulongannaka no kasapulam ti tulongna. (Sal 18:19, 35) Pakawanenna dagiti kamalim. (1Jn 1:9) Talaga a nagsayaat a gayyem ni Jehova!

Kasanoka nga agbalin a gayyem ni Jehova? Am-ammuem isuna babaen ti panangbasam iti Saona. Ibagam kenkuana ti amin a marikriknam. (Sal 62:8; 142:2) Ipakitam nga ipatpategmo dagiti napateg ken Jehova, kas iti Anakna, ti Pagarianna, ken dagiti karina iti masanguanan. Isarsaritam ti maipapan kenkuana. (De 32:3) No makisinningedka ken Jehova, agbalin a Gayyemmo iti agnanayon.—Sal 73:25, 26, 28.

BUYAEN TI VIDEO NGA AGTUTUBO—“NANAMENYO KEN KITAENYO A NI JEHOVA KET NAIMBAG” SA SUNGBATAN DAGITOY A SALUDSOD:

• Kasanoka nga agsagana para iti dedikasion ken bautismo?

• Kasanodaka a matulongan dagiti kakongregasionmo nga agserbi ken Jehova?

• Kasano a makatulong ti ministerio tapno tumibker ti relasionmo ken Jehova?

• Ania dagiti kita ti panagserbi a mabalinmo a pakiramanan?

• Ania ti maapresiarmo unay maipapan ken Jehova?