Insuro ni Jesus: “Inawatyo nga awan bayadna, itedyo nga awan bayadna.” (Mt 10:8) Tungtungpalentayo dayta a nalawag a bilin. Saantayo a pabayadan dagiti it-itedtayo a kopia ti Biblia wenno dagiti publikasiontayo a naibatay iti Biblia. (2Co 2:17) Uray no kasta, naglaon dagitoy a publikasion iti nagpapateg a kinapudno manipud iti Sao ti Dios. Adu a trabaho, bannog, ken kuarta ti kasapulan tapno mayimprenta ken maipatulod dagitoy kadagiti kongregasion iti intero a lubong. Gapuna, ti koma laeng usarentayo ti alaentayo.

Panunotentayo a naimbag no mangtedtayo iti literatura iti dadduma uray kadagiti lugar iti panangasaba iti publiko. (Mt 7:6) Imbes a basta mangted lattan iti literatura kadagiti lumabas, ikagumaantayo a kasarita ida tapno maammuantayo no interesadoda. Masungbatam kadi iti wen ti uray maysa kadagiti saludsod iti kahon? No saanka a sigurado no interesado ti maysa, nasaysayaat no tract ti itedmo. Siempre, no dumawat iti magasin wenno sabali pay a publikasion, maragsakantayo a mangted.—Pr 3:27, 28.