Sika ti Makaadu nga Agsao: Dimo panunoten a masapul nga ilawlawagmo amin. Nagsaludsod ni Jesus tapno matulonganna dagiti tattao a makaaramid iti umiso a konklusion. (Mt 17:24-27) Makatulong ti panagsaludsod tapno agbalin a nabiag ti panagadalyo ken tapno maammuam no ania ti maawatan ken patpatien ti iyad-adalam. (be 253 ¶3-4) No agsaludsodka, agbalinka a naanus ket urayem a sumungbat. No saan nga umiso ti sungbatna, mangaramidka iti kanayonan a saludsod tapno maalana ti husto a sungbat imbes nga ibagam lattan. (be 238 ¶1-2) Saanmo unay a partakan ti panangilawlawagmo tapno maawatanna dagiti baro nga impormasion.—be 230 ¶4.

Pagbalinem a Komplikado: Liklikam ti tendensia a mangibaga iti amin nga ammom maipapan iti topiko. (Jn 16:12) Agpokuska iti kangrunaan a punto ti parapo. (be 226 ¶4-5) Nupay makapainteres ti dadduma a detalye, mabalin a dagita ti mangyadayo iti kangrunaan a punto. (be 235 ¶3) No naawatanen ti iyad-adalam ti kangrunaan a punto, mapankayon iti sumaruno a parapo.

Panangsaklaw Laeng iti Material: Ti panggeptayo ket mangdanon iti puso, saan a mangsaklaw laeng iti material. (Lu 24:32) Usarem ti bileg ti Sao ti Dios babaen ti panangipaganetgetmo kadagiti kangrunaan a teksto iti ad-adalenyo. (2Co 10:4; Heb 4:12; be 144 ¶1-3) Simple laeng koma dagiti usarem nga ilustrasion. (be 245 ¶2-4) Ikabilangam dagiti problema ken patpatien ti iyad-adalam, sa ibagaymo kenkuana ti ad-adalenyo. Mabalinmo nga isaludsod: “Ania ti makunam iti naadalmo?” “Ania ti maadaltayo iti daytoy maipapan ken Jehova?” “Ania ti makitam a pagimbaganna no surotem daytoy a balakad?”—be 238 ¶3-5; 259 ¶1.