PANAGBIAG KAS KRISTIANO
Panangparang-ay iti Abilidadtayo iti Ministerio —Panangparegta Kadagiti Interesado a Makigimong
NO APAY A NAPATEG: Dagiti gimong ket mangted iti gundaway tapno ‘kantaan ken idaydayawtayo ni Jehova.’ (Sal 149:1) Maisursuro met kadagiti gimong no kasanotayo nga aramiden ti pagayatan ti Dios. (Sal 143:10) Kaaduanna a naparpartak a rumang-ay dagiti interesado ken iyad-adalan iti Biblia no rugiandan ti makigimong.
NO KASANO NGA ARAMIDEN:
-
Iyawismo a dagus ti gimong. Saan a kasapulan a maipasdek nga umuna ti panagadal iti Biblia sakbay nga awisem ti maysa a makigimong.—Apo 22:17
-
Ibagam no ania ti maar-aramid iti gimong ken no ania ti maadal iti sumaruno a gimong. Mabalin a makatulong ti imbitasion iti gimong ti kongregasion, ti video nga Ania ti Maar-aramid iti Kingdom Hall?, ken ti leksion 5 ken 7 iti broshur a Pagayatan ni Jehova
-
Tulongam ti interesado. Kasapulanna kadi ti pagluganan wenno tulong iti panagpili iti maitutop a pagbado? Abayem iti gimong, ken iranudmo dagiti kopiam a publikasion. Iyam-ammom iti dadduma