No ubing ti manglukat iti ruangan, masapul nga ibagatayo a kayattayo a kasarita ti nagannakna. Panangipakita dayta iti panagraem iti kinauloda. (Pr 6:20) No pastrekennatayo ti ubing, ditay koma sumsumrek. No awan dagiti nagannakna, agsublitayto laengen iti sabali a tiempo.

No medio dakkelen ti ubing, nalabit agtawen iti agarup 15 agingga iti 19, masapul latta a makisaritatayo iti nagannakna. Ngem no awan dagiti nagannakna, mabalintayo a saludsoden no ipalubosda nga agbasa kadagiti publikasion a kayatna. No wen, mabalintayo ti mangitukon kadagiti literatura ken nalabit ibagatayo ti maipapan iti jw.org.

No sarungkarantayo ti maysa nga agtutubo nga interesado, masapul a makisaritatayo iti nagannakna. No kasta ti aramidentayo, mailawlawagtayo ti panggep ti panagbisitatayo ken mairanudtayo dagiti mapagtalkan a balakad ti Biblia para kadagiti pamilia. (Sal 119:86, 138) No raraemen ken ikabkabilangantayo dagiti nagannak, makaipaaytayo iti nasayaat a panangsaksi ken maaddaantayo iti gundaway a mangikasaba iti naimbag a damag iti pamilia.—1Pe 2:12.