6:9-11, 25-27, 54, 66-69

Idi nangusar ni Jesus iti ilustrasion a narigat a maawatan dagiti adalanna, naitibkol ti dadduma ket saandan a simmurot. Iti napalabas laeng nga aldaw, simimilagro a pinakan ida ni Jesus, a mangpaneknek a naggapu iti Dios ti pannakabalinna. Isu nga apay a naitibkolda? Mabalin a ti motiboda a simmurot ken Jesus ket para laeng iti pagsayaatanda. Sumursurotda laeng ken Jesus gapu iti material a pagimbaganda.

Rumbeng ngarud nga isaludsodtayo iti bagitayo: ‘Apay a sursurotek ni Jesus? Ti kadi kangrunaan a rason ket gapu kadagiti bendision ita ken iti masanguanan? Wenno gapu ta ay-ayatek ni Jehova ken kayatko a paragsaken?’

Apay a posible a maitibkoltayo no ti kangrunaan a rason nga agserserbitayo ken Jehova ket gapu kadagiti sumaganad?

• Maragragsakantayo a makikadua iti ili ti Dios

• Kayattayo ti agbiag idiay Paraiso