No narigat ti agbirok iti trabaho, marigatantayo met a mangyun-una iti Pagarian ken ti kinalinteg ti Dios iti biagtayo. Mabalin a masulisogtayo a mangawat kadagiti trabaho a makalapped iti panagserbitayo ken Jehova wenno maikompromisotayo dagiti prinsipio ti Biblia. Ngem siguradotayo nga ipakita ni Jehova ti pigsana “kadagidiay naan-anay ti pusoda kenkuana.” (2Cr 16:9) Awan ti makapasardeng iti naayat nga Amatayo a tumulong kadatayo ken mangipaay kadagiti kasapulantayo. (Ro 8:32) Isu a no mangaramidtayo kadagiti desision maipapan iti trabaho, masapul nga agtalektayo ken ni Jehova ken agpokustayo iti panagserbi kenkuana.​—Sal 16:8.

BUYAEN TI VIDEO NGA AMIN-KARARUA NGA AGTRABAHO PARA KEN JEHOVA, SA SUNGBATAN DAGITOY:

• Apay a saan nga inawat ni Jason ti pasuksok?

• Kasano nga agaplikar kadatayo ti Colosas 3:23?

• Kasano a nakatulong ti nasayaat nga ulidan ni Jason ken ni Thomas?

• Kasano nga agaplikar ti Mateo 6:22 kadatayo?