Saan a nagbalin a masirib ni Solomon idi nakiasawa kadagiti babbai nga agdaydayaw kadagiti ulbod a didiosen (1Ar 11:1, 2; w18.07 18 ¶7)

In-inut nga inyadayo dagiti assawa ni Solomon ti pusona manipud ken Jehova (1Ar 11:3-6; w19.01 15 ¶6)

Nakapungtot ni Jehova ken ni Solomon (1Ar 11:9, 10; w18.07 19 ¶9)

Balbalakadan ti Sao ti Dios dagiti Kristiano a no makiasawada, makiasawada laeng kadagiti “adalan ti Apo.” (1Co 7:39) Ngem saanna a kayat a sawen a no bautisado ti maysa ket nasayaaten a pakiasawaan. Matulongannaka kadi nga agtultuloy nga agserbi ken Jehova iti amin-kararua? Napaneknekanna kadin a nauneg ti panagayatna ken Jehova? Sakbay a makitulagka nga agkasar, am-ammuem a naimbag ti planom a pakiasawaan.