Ti maysa kadagiti kasayaatan a pamay-an a matulongan dagiti nagannak ti annakda a manggun-od iti sirib manipud iti Dios ket no tulonganda ida a magunggonaan kadagiti gimong. Makatulong kadagiti ubbing dagiti makitkita, mangmangngeg, ken dagiti komentoda kadagiti gimong tapno maam-ammoda ni Jehova ken agbalinda a nadekket a gayyemna. (De 31:​12, 13) No maysaka a nagannak, kasanom a matulongan ti anakmo a mas makasursuro kadagiti gimong?

• Ikagumaanyo ti makigimong iti Kingdom Hall.—Sal 22:22

• Iwayaanyo ti makipinnaregta kadagiti kakabsat iti Kingdom Hall sakbay wenno kalpasan ti gimong.—Heb 10:25

• Siguraduenyo nga aminkayo ket adda kopiana iti publikasion a maadal iti gimong, digital man wenno nayimprenta a kopia

• Tulonganyo ti anakyo nga agsagana iti komento iti bukodna a sasao.—Mt 21:​15, 16

• Positibo koma ti ibagayo maipapan kadagiti gimong ken kadagiti maipakaammo nga instruksion

• Paregtaenyo dagiti annakyo a makiraman kadagiti aktibidad a kas iti panagdalus iti Kingdom Hall ken pannakisarita kadagiti nataengan iti kongregasion

Dakkel a trabaho ti panangtulong kadagiti annakyo tapno agbalinda a nadekket ken Jehova. No dadduma, mabalin a mariknayo pay ketdi nga awanen ti pigsayo a mangaramid iti dayta. Ngem sigurado a tulongannakayo ni Jehova.—Isa 40:29.

BUYAEN TI VIDEO A KAS NAGANNAK, AGPANNURAYKAYO KEN JEHOVA KEN ITI BILEGNA, SA SUNGBATAN DAGITOY:

• Ania ti epekto kada Zack ken Leah ti sobra a bannog?

  Ti sungbatmo

• Apay a masapul a dumawat dagiti nagannak iti bileg ken Jehova?

  Ti sungbatmo

• Kasano nga impakita da Zack ken Leah nga agpampannurayda ken Jehova tapno agballigida?

  Ti sungbatmo